Аңшылық маусымның ашылуына орай өңірлік паркте сұғанақтыққа қарсы рейдтер жүргізілді

Аңшылық маусымының ашылуына орай Түркістан филиалында 3-5 қыркүйек күндері аралығында жүргізілген сұғанақтыққа қарсы күрес жүргізу барысында Балтакөл орманшылығында Көлқұдық Үштам ауылының тұрғындары Б.Тәтібаев, А.Атаханов, Д.Аймырзаев деген азаматтар ұсталды. Бұл азаматтар Ерекше қорғалатын табиғи аумақта заңсыз 11 дана қырғауыл атып алған. Балтакөл орманшылығының мемлекеттік инспекторлары Әкімшілік құқық бұзушылық кодексінің 382 бабы 3 тармағымен хаттама толтырылып, мылтықтары тәркіленіп, Отырар аудандық Ішкі істер бөліміне өткізілді. Жоғарыда аталған азаматтардың үстінен құжаттар жинақталып жатыр. Құжаттар мерзіміне қарай Отырар аудандық сотына өткізіледі.