Табиғатты сүю – сәбилік кезден басталады.
- Толығырақ
- Құрылды 17.02.2014 14:42
Дана халқымыз тәрбиені жас жеткіншек кезден бастау керектігін айтқан. Көк жас шыбықты қалай исең солай өседі. Сондықтан, өңірлік табиғи парк Туризм рекреация және экоағарту бөлімінің қызметкерлері табиғатты сүйе білуді үйретуді бала бақшадан бастағанды жөн көрді. 2014 жылдың ақпан айының 17 күні Шымкент қаласындағы № 118 «Әсел» бөбекжай балабақшасында мектепалды даярлық және ерексек топтардың балаларының қатысуымен «Табиғатты аяла» атты тақырыппен танымдық сағат өткізілді. Танымдық сағат үлкен көлемді экранмен Табиғатты қорғау туралы танымдық тәрбиелік мәні бар бейнефильммен басталды. Бейнефильмде балаларға өңірлік табиғи парк аумағындағы Қызыл кітапқа енген өсімдіктер, аң – құстар, жануарлар таныстырылып, олардың қандай пайдасы бар екені айтыла кетті. Сондай – ақ парк аумағындағы табиғаттың әсем де көрікті жерлері көрсетілді. Орманды өрттен қорғау туралы кеңінен жас сәбилерге түсінікті тілде түсіндірілді. Сол арада «Орман ән салсын десек» мультипликациялық фильмі көрсетілді.
Өрт қауіпті маусымына дайындық кезеңі
- Толығырақ
- Құрылды 31.01.2014 14:31
Өрт қауіпті маусым алдында орман қоры жерлерінде өрт қауіпсіздігі ережелерінің орындалуын қамтамасыз ету бойынша «Сырдария-Түркістан мемлекеттік өңірлік саябағы» КММ-і, ОҚО орман және аңшылық шаруашылығы аумақтық инспекциясы және ОҚО Төтенше жағдайлар департаментімен 2014 жылға арналған өзара бірлескен іс-шара жоспары жасалып, бекітілді. Осы шараның аясында:
- филиалдардың өрт қауіпті маусым алдындағы дайындығына тексеру жүргізу, кемшіліктерге талдау жасау;
- орман өртінің алдын алу мақсатында бір айлық өртке қарсы дайындық айлығы іс-шарасын өткізу;
- орман өрттерінің алдын алу, бірлесіп сөндіру, мерзімінде құзырлы органдарға хабарлау, кінәлілерді анықтау;
- дала, орман өрттерін сөндіруге қатыстырылатын барлық қызметтердің өзара іс-әрекет жоспарын жасау;
- орман өрттеріне қарсы үгіт-насихат жұмыстарын жүргізу;
- орман өрті мен зиянкестеріне қарсы атқарылатын іс-шаралардың уақтылы және сапалы орындалына бақылау жасау;
- филиалдарды орман қоры жерлерінде өрттің алдын алу мақсатында демалушылар мен орман пайдаланушыларға өрт қауіпсіздігі ережелерін сақтау жөнінде нұсқаулар беру және т.б. жұмыстар атқару көзделуде.
«Сұғанақтыққа қарсы күрес жүргізу» айлығы
- Толығырақ
- Құрылды 30.01.2014 13:55
«Сырдария-Түркістан мемлекеттік өңірлік табиғи саябағы» коммуналдық мемлекеттік мекемесі – 2014 жылдың ақпан айында ауа райының аязды және қардың қалың болуына байланысты мемлекеттік орман қоры жерлерінде мекендейтін жануарлар дүниесінің жай күйіне бақылау жұмыстарын ұйымдастыруды және сирек кездесетін, құрып кету қауіпі төмен түрлерінің жағдайына айрықша назар аударып, оларды қорғау мақсатында «Сұғанақтыққа қарсы күрес жүргізу» айлығын жариялады.
2014 жылдың ақпан айының 1 – 28 күндері аралығында жүргізілетін сұғанақтыққа қарсы күрес жүргізу айлығын өткізу туралы іс – шара жоспары бекітілді.
Іс – шараның басты мақсаты – өңірлік табиғи парк ҚР Қызыл кітабына енген және бағалы Бұхар бұғысын, Қаратау архарын, үнді жайрасын, тас сусарын, шұбар күзенді, бүркітті, және тағы да басқа аң – құстарды қорғау жұмыстарын жүргізу, ЕҚТА жерінде және аңшылық апқаптарда аң – құстарды аулауға жол бермеу, орман және аң аулау ережелерінің заң бұзушылықтарының алдын алу, болдырмау жұмыстарын жүргізу.
Тәуелсіздік күні
- Толығырақ
- Құрылды 16.12.2013 11:56
Қазақстан Республикасының 16 желтоқсан «Тәуелсіздік күні» мерекесіне орай салтанатты жиналыс 2013 жылдың желтоқсан айының 13 күні мекемеде салтанатты түрде аталып өтті. Мемлекеттік Әнұран шырқалып, құттықтау сөздер айтылды. Тәуелсіздік мерекесіне арнап, бейне түсірілім дайындалып, көрсетілді. Туризм, рекреация және экоағарту бөлімінің бастығы Н.Жұмағұлованың «Тәуелсіздік мерекесі» атты тақырыбында баяндамасы тыңдалды. Техника қауіпсіздігі және еңбек қорғау инженері Б.Спанов «Тәуелсіздік тұғырым» атты өзі шығарған өлең шумақтарын оқыды.
«Оңтүстік Қазақстан облысында туризмді дамытудың әлеуеті мен келелі мәселелері» атты семинар
- Толығырақ
- Құрылды 09.12.2013 11:44
2013 жылдың 9-желтоқсан күні болған «Индустрияландыру» күні қарсаңында 2013 жылдың 18-22 қараша аралығында туризм апталығы аясында «Оңтүстік Қазақстан облысында туризмді дамытудың әлеуеті мен келелі мәселелері» тақырыбында өткізілген семинар кеңесі өтті. Бұл семинар кеңеске Туризм, рекреация және экоағату бөлімінің бастығы Н. Жұмағұлова қатысты.
Президент күні
- Толығырақ
- Құрылды 01.12.2013 11:49
2013 жылдың қараша айының 29 жұлдызында 1 желтоқсан «Президент күні» мерекесіне арналған салтанатты жиналысы өтті. Жиналыс мемлекеттік Әнұранды орындаумен ашылып, мекеме басшысы Б.Мошқаловтың құттықтау сөзі тыңдалды. Ғылым, ақпарат және мониторинг бөлімінің бастығы Е. Төлемістің мерекеге арналған «Бірінші Президент мерекесі – халықтық мереке» атты тақырыпта доклады тыңдалды. Сондай – ақ, ғылыми қызметкер З. Орынбеков пен экоағарту маманы М.Маликованың Елбасыға аралған өлең шумақтары тыңдалды. Сонымен қатар, бас мекеме және филиал қызметкерлері Бас директор Б.Мошқаловтың және ОҚО агроөнеркәсіптік кешені еңбеккерлері кәсіподағы комитетінің төрағасы Б.С.Қуандықовтың құрмет грамоталарымен марапатталды.
Менің туған өлкем атты туристік фестивалі
- Толығырақ
- Құрылды 10.10.2013 11:35
2013 жылдың қазан айының 10 күні Оңтүстік Қазақстан облысының Туризм басқармасының ұйымдастыруымен Дүниежүзілік туризм күніне арналған «Менің туған өлкем» туристік фестивалі өтті. Фестивалға Туризм, рекреация және экоағарту бөлімі қатысып, сертификатпен марапатталды.
"Табиғат тіршілік аясы" атты табиғат қорғау акциясы
- Толығырақ
- Құрылды 08.10.2013 10:55
2013 жылдың 8 қазан күні мекеменің Боралдай филиалында, Теректі ауылынан 14 шақырым қашықтықта орналасқан 67 орам №9 айналымда, Байқалмақ қойнауында «Табиғат- тіршілік аясы» атты табиғатты қорғау акциясы өткізілді. Іс-шараның басты мақсаты жас ұрпақтың табиғатқа деген сүйіспеншілігін арттырып, туған елге, туған жерге деген патриоттық сезімін ояту, « Сырдария-Түркістан мемлекеттік өңірлік табиғи саябағының» құрылғаннан бергі атқарылған жұмыстарының нәтижесін көрсету болды. Іс-шара барысында, акцияның тақырыбына сәйкес қол өнер бұйымдарынан, Боралдай филиалының алқабында сирек кездесетін ағаш түрлерін көбейту, жерсіндіру мақсатында жиналған ұрықтары мен мекеменің кітапхана қорындағы кітаптардан, Бұхар бұғыларының табиғи жолмен түскен мүйіздерінен көшпелі көрме ұйымдастырылды. Келген қонақтарға Қостұрадан естелік ретінде фото сурет (10 дана), (200 дана) мекеме туралы қысқаша түсіндірме парақтары, мекеме атауы мен акцияның эмблемасы рәсімделген кепка және значоктар таратылып, тіркеу журналына тіркелді.
Жас экологтар слеті
- Толығырақ
- Құрылды 13.09.2013 10:35
2013 жылдың қыркүйек айының 11-13 аралығында Оңтүстік Қазақстан облысының Экологиялық орталығының ұйымдастырумен өткен 3 күндік «Жас экологтар слетіне» бөлімнің экоағарту маманы М.Маликова қазылар алқасыың мүшесі болып қатысып, «Жас экологтардың» өнерлерін бағалады. Көптеген жастар өздерінің дарындылығын, өнерлігін көрсете білді. Содан Облыстық білім басқармасының басшысы А.Елшиеваның «Өскелең ұрпақтың денсаулығын сақтау және нығайту, баланың жеке ақыл-ой санасын, салауатты өмір салтын қалыптастыруға және облыстық 3 күндік Жас экологтар» слетін ұйымдастыруға ат салысқаны үшін алғыс хатымен марапатталды.
Конституция күні
- Толығырақ
- Құрылды 30.08.2013 10:04
Қазақстан Республикасының 30 тамыз «Конституция күні» мерекесіне орай салтанатты жиналыс 2013 жылдың тамыз айының 29 күні мекемеде салтанатты түрде аталып өтті. Мемлекеттік Әнұран шырқалып, мекеме басшылары құттықтау сөздер айтты. «Орман және өсімдіктер дүниесін қорғау мен өсімін молайту» бөлімінің бастығы А. Қырықбаев «Конституция күні» атты тақырыбындағы баяндамасы тыңдалып, «Жануарлар дүниесін қорғау мен өсімін молайту» бөлімінің бас маманы Б.Керімбеков өлең шумақтарын оқыды. Мекеменің бірқатар қызметкерлері бас директор Б.Мошқаловтың марапаттау қағазына ие болды.